JESHI LAPOLISI MKOANI MARA LINAMSHIKILIA ASKARI WAKE KWA MAUAJI

Jeshi la polisi mkoani Mara linamshikilia askari wake mmoja mwenye namba G.1420 Gwamaka mwakatundu kwa tuhuma za mauaji ya mwanamke mmoja,ambaye anadaiwa kuuawa kwa kuchomwa na kitu chenye ncha kali katika sehemu mbalimbali za mwili wake.

Kamanda wa polisi mkoani Mara kamishina msaidizi wa jeshi la polisi ACP Philip Alex Kalangi,amesema mwili wa mwanamke huyo bi Angela Kigokola umekutwa ukiwa nje ya nyumba askari huyo ambaye ni shemeji wa marehemu katika mtaa wa mkinyerero kata ya Mwisenge katika manispaa ya Musoma mkoani Mara

Nao baadhi ya watu ambao wamefika kushuhudia tukio hilo , akiwemo mwenyekiti wa mtaa huo bw Ragita Nyamwero, wamesema mazingira yanaonyesha kuwa mauaji hayo yamefanyika ndani ya chumba cha askari huyo kisha mwili huo kutolewa na kutupwa nje ya nyumba hiyo kwa lengo la kuficha ukweli…
… .bw Ragita Nyamwero-m/kiti wa mtaa Mkinyerero-Musoma na Bi Adira Tarimo-jirani

Mwili wa mwanamke huyo mwenye umri wa miaka 24 umehifadhiwa katika chumba cha kuhifadhia maiti katika hospitali ya mkoa wa Mara mjini Musoma kwaajili ya kufanyiwa uchunguzi zaidi.